Om Linda

Fødd 1962, voks opp på Eikangervåg i Lindås (no Alver) kommune. Bur i Øygarden på Søre Bildøy, er biletkunstnar og driv Galleri Bildøy.

Linda har i 2024 fullført ein toårig biletkunstutanning på Nydalen kunstskole i Oslo. Ho har også fått veiledning på Bryggen Kunstskole i Bergen. 

Linda har i mange år arbeida som sjølvlært kunstnar i tillegg til jobb. På slutten av åttitalet så vakna interessa for akvarellmåling og porselensmåling, og saman med to andre damer så stilte dei ut i eit rom på garden der ho vaks opp, Galleri Biehuset. Ho måla blomar, landskap og portrett, det var mest figurative arbeid. Ho var med å starte opp Nordhordland Kunstlag, sat i styret og var leiar ei tid.

Linda har stilt ut arbeid hjå Nordhordland Kunstlag, Galleri Gamleskulen i  og på Galleri Minneparken/Nydalen Kunstskole i Oslo. Linda sine arbeid har blitt kjøpt inn av Statoil Mongstad utsmykkingsutval.

Linda brukar arbeider med akvarell, akryl, olje og pastellkritt. Ho kjem frå det figurative og arbeider med å få større fridom i uttrykket. Som kunstnar så utforskar ho kontrasten mellom det tradisjonelle, figurative i landskap og portrett, og det å uttrykke seg fritt med det intuitive og non-figurative.

Eit viktig tema for Linda er relasjonen til naturen, sorga over naturtapet og relasjon familie, kjærleik og dynamikken mellom menneske.